إهداء إلى الشيخ عبد المحسن بن شافي الملحم
قم يا نديبي فوق عُكفْ الجناحين @ وانهض بها من فوق بيض السحايب
بوينج سبعميه وسبعه وسبعين @ اتسابق الغربي وصلف الهبايب
تحمل اشعار العز نخلة وسيفين @ وطيارها غمرٍ ولا هو بشايب
تاصل لشيخ القوم سقم المعادين @ محسن ولد شافي عطيب الضرايب
اللي ثبت للوقت في العسر واللين @ ولا أهتّز من غدر الدهر والمصايب
وبحزة الضيقات له موقف يبين @ والحُر يثبت موقفه في النوايب
وليا تكلم ما غدى القول قولين @ وغيره يروح الهرج كله ذهايب
والطيب والفزعه غدت له نياشين @ ومن طاب له ولا فلا هو بطايب
ولا هو بلجل إني من الناس الأدنين @ لجناب تشهد قبل كل القرايب
وتزها به أشعاري وقافي به يزين @ وليا مدحته قالوا الناس صايب
وأفخر بذكره في جميع الميادين @ فعله حضر حتى ولو كان غايب
عساه يبقى ذخر وأيامه سنين @ وأعداه تدفن تحت عوج النصايب
عطه الرسالة وأخبره بالمضامين @ يا مسندي يا شوق شقر الذوايب
وقله ترى جاني الخبر قبل يومين @ وأشعل بصدري مثل حَرّ اللهايب
ماجور ومعافا وربي لك معين @ ومنهو برجوى الله فلا هو بخايب
وعساه تكفير ورْجَح بالموازين @ في يوم لا توبة لمن جاه تايب
وما دمت حي وحن بعد دام حيين @ اضربّنا درب الخطر والصعايب
وقدرك يا بو شافي على الراس والعين @ وغلاك خلانا نسوق الركايب
ونمدحك وأفعالك بها بالناس دارين @ لا شك جا للمدح باب وسبايب
وجتك الرسالة كاملة بالعناوين @ والشعر وهبه والجزايل وهايب
وصلاة ربي عَد جمع المصلين @ على الرسول عداد وبل السحايب
