ضعنا وضاع القدس بأسباب الشتات @ كثره ولكن صاروا اكمالة عدد
وين العرب ما وقفوّا للنايبات @ لا واخساره ما بقا فينا جهد
حنّا ذبحنا قول ما قد فات مات @ ولا ربحنا شي وش نخسر بعد
يكفي علينا ما قضينا من سبات @ سبعين عام ٍ كلها هم ونكد
تهنا بغبات الدروب المظلمات @ ذل وهوان وضعف وبليّا سند
نطرد ورى أحلام السلام المغريات @ ونبي الوعد مِمن يخونون العهد
وما راح ما يرجع بكثر مفاوضات @ الا ان يردّه طفل توّه في المهد
نبي نسير بصف واحد في ثبات @ لين العدو يصبح ويمسي في جلد
ويضوي عليه الخوف من كل الجهات @ ويحلم بنا لا نام وان قام وقعد
والنصر بيده رب كل الكاينات @ نطلب رضاه وكل مَنْ يزرع حصد
والآمال تعقد في السنين المقبلات @ عندي أمل لا شك يبغا لـه ولد