سريت بليل والخطوة على الفرقا تسابقني @ وعلى دروب السهر همي سريته قبل يسريني
شعوري بالبعاد أقرب وقلبي ما يطاوعني @ يقول أرجوك لا ترحل دخيلك لا تخليني
أنا مقوى على الفرقا وطاري البعد يفزعني @ وأنا لك نبض وأنت الدم تجري في شراييني
تغنيني حروفك وأنت تقراني وتكتبني @ سكنتك عشق وأحيا بك ولا غيرك يسليني
وأشوف ايدك تلوّح بالفراق وهي تودعني @ وأنا واقف على بابك ونار الشوق تكويني
وجاوبته بصوتٍ منكسر لا لا تضيّعني @ أنا يا قلب فيّ من الجروح اللي مكفيني
أنا مليت يكفيني مواجع لا تقلّبني @ أنا ما لي بها الدنيا سوى جرحي وسكيني
بقايا انسان متبعثر وأدوّر من يجمّعني @ أبرحل مع شتاتي لين ألاقي باقي سنيني
ليست هناك تعليقات:
إرسال تعليق