جيتك وأنا كلي ظما وأتبع خطاك @ عيني تبي شوفك وأنا ما أرتويتك
لبيك من قلبٍ يحبك ويهواك @ قلبٍ سكنته عشق والبيت بيتك
أنا اللي آحبك وأسامح خطاياك @ لا تحسب إني في بعادك جفيتك
من غبت عنّك في متاهة زواياك@ وإن مرني طاريك قمت وسريتك
ما أقوى على فرقاك كيف أقدر أنساك @ تنساني الدنيا لو إني نسيتك
إلى متى وأنا أنتظر وآتحراك @ طالت بي دروبي وأنا ما لقيتك
متى تعانق كف يمناي يمناك @ لا جيتني وأنا من الشوق جيتك
أبي الدفا وأبي أرتوي من شفاياك @ وآلبسّك تاج الغلا لأرتويتك
ليست هناك تعليقات:
إرسال تعليق