زمان الصمت

ودي أسأل من هو المجرم ومن هو الضحيّه @ في زمانٍ ما لقيت لسؤالي أجوبه

يا صدى صوتي دخيلك ترد الصوت ليّه @ دام صوت الحق يسكن حناجر متعبه

يا زمان الصمت ليه الخوي ينسى خويّه @ ليه ما يفرح بفرحه ويغضب لغضبه

في زمانٍ فات وأهل العزوم القويّه @ لا دعى الداعي لقى من يلبي لطلبه

ولت أيام الشجاعة مع أيام الحميّه @ وش هي الأسباب مدري ومن هي بسببه

صارت أمجاد بورق من زمان الجاهليّه @ من قراها ينطرب ولا هي ما تطربه

وان تحرّك فيه غيره يطيح بنار حيّه @ يصبحون الناس ضده وكلٍ يحربه

وقتنا أمواجٍ تلاطم مع رياحٍ عتيّه @ ننصدم بالواقع المُر سمٍ نشربه

وأرجع أسأل من هو المجرم ومن هو الضحيّه @ في زمانٍ ما لقيت لسؤالي أجوبه